Veăng ai mâ ai kăn pơkuâ, mâu kăn pơkuâ hneăng hdrối dêi kong pơlê rơtế ƀă hên mâu kăn ƀô̆, kuăn pơlê mâu cheăm Vân Hòa, Sơn Hòa ƀă Tuy An Nam. A rôh leh, mâu kăn hơ’muăn tối ki ai mâ, hnoăng cheăng ƀă hnoăng cheăng kân dêi pôa Hồ Chí Minh ƀă tơdroăng cheăng tơleăng lĕm hdrông mơngế; hlối tối rơdêi khŏm mơ-eăm mơjiâng Đảng ƀô̆ krúa lĕm, krá rơdêi, thăm mơnhông cheăng kâ rêh ối pơlê pơla rĕng ƀă krá tơniăn.

Klêi leh têk nhang, mâu kăn veăng pêt loăng chôu vế, lăm pôu ngăn tíu mơđah tơbleăng mâu kế tơmeăm mơ-éa ki chêh, tơdroăng cheăng dêi Pôa Hồ Chí Minh a tíu xối tơbâ Hngêi pleăng Pôa Hồ. Rôh kố ối po hên tơdroăng túa lĕm tro, văn ngê̆, ‘na tơdroăng ki mơđah tơbleăng ăm kuăn pơlê.