Tiô pơkâ, lâp tung kong pơlê rah xo 417 ngế ƀă mâu tơdroăng cheăng tơxâng ƀă ngạch chuyên viên ƀă ki tơdâng mê. Tơdroăng pơkâ 2 tơdroăng rah xo mê cho xét tuyển rah ngăn ƀă tơ’noăng  tâng phah kô châ. Tung mê, tí tăng ngăn kô xúa ƀă mơngế ki rơkê ƀeăn tiô pơkâ dêi Chin phuh; mâu kơxô̆ ki u ối kô ăm tơ’noăng.

Vi ƀan kuăn pơlê dêi kong pơlê Khánh Hòa hiăng pơkâ mâu tíu kơvâ cheăng, kong pơlê mơdêk rơdêi tối mâu tơdroăng nếo ai, tăng tơ’mot mâu kuăn pơlê veăng tơ’noăng, teăm tơ’nôm kơxô̆ mơngế kăn ƀô̆ ki ai ivá rơkê cheăng, malối a mâu cheăm - tíu ki hên tơdroăng cheăng hngăm hngo hên tơdroăng cheăng pêi klêi tơ’mot tơdjuôm mâu kăn kong pơlê péa râ.