Kơxê lơ 24/5, a Tíu pêi cheăng Chin phuh, Hô̆i đong hnê mơhno kơdroh tơdroăng xôi hiăng hôp séa ngăn, kĭ inâi pơkâ thế Kăn xiâm hnê ngăn tơnêi têa kơdroh tơdroăng xôi ăm mâu ngế kroăng phâk mơ’no phâk hdrối hâi khế pơkâ ăm mâu ngế ki chiâng vâ kơdroh tơdroăng xôi klăng roh leh tơbâ 51 hơnăm Tơleăng lĕm peăng hdroh tơnêi têa, tơmot tơnêi têa chiâng môi (30/4/2026), koh phiu ro châ tơƀrê Hneăng hôp kăn teăng mâ tơnêi têa roh má XIV dêi Đảng, rah xo kăn teăng mâ Kuô̆k hô̆i hneăng má XVI ƀă rah xo kăn teăng mâ Hô̆i đong kuăn pơlê mâu râ, hneăng hơnăm 2026 – 2031.

Xông tơpui a rôh hôp, pôa Phạm Gia Túc, Phŏ Ngế pro xiâm hnê mơhno má môi tơnêi têa tối nhên, pêi tơdroăng ki lĕm tro ƀă kơdroh tơdroăng xôi ƀă mơngế ki xôi cho khôi túa vâi krâ nah ki lĕm dêi hdroâng mơngế pin.

Hô̆i đong hnê mơhno kơdroh tơdroăng xôi hơnăm 2026 hiăng mơnhên lối 10.000 hô sơ mơngế ki xôi chiâng vâ kơdroh tơdroăng xôi mơ’no phâk hdrối hâi pơkâ.

Pôa Phạm Gia Túc pơkâ tơdroăng kĭ krá tơniăn, ôh tá tơdjâk pakong ƀă tro luât. Tiô Hô̆i đong hnê mơhno kơdroh tơdroăng xôi ăm mơngế kroăng phak, vâ tơdroăng kơdroh tơdroăng xôi hơnăm 2026 châ tơƀrê lĕm, mâu khu râ, mâu kơvâ cheăng, mâu kong pơlê kal tơmâng troh tơdroăng vêh rêh ối lĕm ƀă pơlê pơla ăm mơngế ki châ mơ’no kroăng phâk hdrối hâi khế pơkâ vêh a pơlê xiâm, tơkŭm mơdêk pơtâng tối, mơdêk hlê plĕng ƀă pôu râng hnoăng cheăng dêi mâu khu râ kăn pơkuâ hnê ngăn cheăng Đảng, khu râ kăn pơkuâ, mơdêk hlê plĕng ƀă pôu râng hnoăng cheăng dêi mâu khu râ kăn pơkuâ hnê ngăn cheăng Đảng, khu râ kăn pơkuâ cheăm bêng, mâu khu cheăng kal kí – pơlê pơla, khu râ ƀă kuăn pơlê, ví ki pơrah, tơdjuôm ivá gum mơngế ki châ mơ’no kroăng phâk hdrối hâi khế pơkâ tah lôi ki kơxiâp xua tơná ai xôi.