A hneăng hôp, mâu kăn teăng mâ châ tối mâu tơdroăng ki xiâm ‘na pơkuâ tơnêi têa tung tơdroăng tơpui kâ ƀă kong têa ê, tơbleăng ki kơnâ mâu tơdroăng mơnhông cheăng kâ rêh ối pơlê pơla kơpong tơkăng kong, Luât gâk kring tơkăng kong Việt Nam ƀă mâu mơ-éa pơkâ ‘na hnoăng pơkuâ, tơnêi tơníu tơnêi têa.

Pôa Nguyễn Quốc Hiệp, Phŏ Kăn pơkuâ ‘na khôi túa lĕm tro, Tơ’noăng ivá ƀă Ôm hyô kong pơlê Dak Lak tối ăm ‘nâi, hneăng hôp cho roh pơtâp apoăng tung tơdroăng pêi cheăng châ pê pro a 4 cheăm tơkăng kong mê cho Ia Lốp, Ia Rvê, Ea Ƀung ƀă Ƀuôn Đôn, vâ mơdêk ki châ tơƀrê tơdroăng tơpui kâ ƀă kong têa ê, mơjiâng tơdroăng gâk kring tơkăng kong tâi tâng kuăn pơlê krá tơniăn, mơjiâng xiâm kối ăm mơnhông cheăng kâ – rêh ối pơlê pơla ƀă pro krá tơrŭm môi tuăn tâi tâng hdroâng mơngế a kơpong tơkăng kong Dak Lak.