Dak lak: Tơbâ 95 hơnăm Hâi mơjiâng Chi ƀô̆ Đảng Cộng sản ki apoăng a Phú Yên
Thứ hai, 11:00, 06/10/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxo hâi lơ 5/10, a tíu tơbâ ton nah Tíu mơjiâng Chi ƀô̆ Đảng Cộng sản ki apoăng a Phú Yên (cheăm Đồng Xuân, kong pơlê Dak Lak), Tỉnh ủy, Hô̆i đong kuăn pơlê, Vi ƀăn Kuăn pơlê, Vi ƀan Mă trâ̆n tơnêi têa Việt Nam kong pơlê Dak Lak tơkŭm po Leh tơbâ 95 hơnăm Hâi mơjiâng Chi ƀô̆ Đảng Cộng sản ki apoăng a Phú Yên (5/10/1930 – 5/10/2025).
Tơbleăng a rôh leh, Kăn hnê ngăn Hô̆i đong kuăn pơlê kong pơlê Dak Lak Cao Thị Hòa An tơba atơdroăng ton nah 95 hơnăm riên xap Chi ƀô̆ Đảng Cộng sản ki apoăng dêi Phú Yên pơxiâm mơjiâng nah hâi lơ 5/10/1930 a kơtâu Đồng Bé, thôn Phước Long, cheăm Xuân Long, tơring Đồng Xuân, nôkố cho cheăm Đồng Xuân, kong pơlê Dak Lak.
Chi ƀô̆ drêng mê ai 9 ngế đảng viên xua pôa Phạm Lưu Thanh pro kăn hnê ngăn đảng. Luâ 95 hơnăm, sap Chi ƀô̆ apoăng ai 9 ngế đảng viên, troh nôkố klêi tơ'mot tơdjuôm Đảng ƀô̆ Phú hên ƀă Dak Lak, lâp tung kong pơlê hiăng ai lối 137 .000 ngế đảng viên; 100% thôn pơlê, kơpong kuăn pơlê xuân ai chi ƀô̆ Đảng, tối hnoăng cheăng pêi pro cho xiâm tơndroăng kal kí, xiâm krá kal tung khu cheăng kal kí a cheăm kong pơlê.
Viết bình luận