Hneăng hôp hiăng tơbleăng ăm pêi pro 18 tơdroăng pơkâ ki kal ‘na tơdroăng cheăng kăn ƀô̆, troăng pêi mơnhông, xing xoăng ƀă mơ’no liăn ngân tơnêi têa, pơkâ pêi, kêi đeăng khu râ kăn pơkuâ péa râ klêi kơ’nâi rah xo bro lế lĕm tro, tơniăn gâk kring tơnêi têa -  gâk kring pơlê pơla.

Kố cho xiâm kối luât ki kal kum kong pơlê tah lôi pá puât, pro tơ’lêi hlâu mơngế pêi cheăng, mơjiâng ivá kêi đeăng mâu pơkâ pêi hơnăm 2025 ƀă hneăng hơnăm 2021 – 2025. Hô̆i đong kong pơlê pơkâ thế Vi ƀan kong pơlê tơkŭm pêi pro tơdâng tơ’mô, ki má lối cho hnoăng mơdêk mơ’no liăn cheăng tơnêi têa, mơ-eăm châ 100% pơkâ pêi hơnăm; kal tah lôi tơvâ tơvân tung pêi cheăng khu râ kăn pơkuâ râ cheăm, xing xoăng mơngế pêi cheăng, kơxô̆ liăn ngân vâ pêi cheăng tơniăn lĕm; hbrâ inhên ăm tâ phĭu rah xo Kuô̆k hô̆i hneăng má XVI ƀă Hô̆i đong kuăn pơlê mâu râ hneăng hơnăm 2026 – 2031.