A rôh hôp, Khu kăn pơkuâ hnê ngăn Đảng kong pơlê Dak Lak tơbleăng hên mâu pơkâ hdró ki pơ’lêh tơná tung tơdroăng cheăng dêi khu tơrŭm cheăng ƀă kăn ƀô̆ kong pơlê. Mê cho: Mơjiâng Đảng ƀô̆ rêm râ mâu kơ koan Đảng kong pơlê ƀă Đảng ƀô̆ Vi ƀan kong pơlê. Pơkâ tơtro má môi  Khu hnê cheăng kal kí dêi Đảng kong pơlê ƀă Khu hnê mơhnhôk cheăng Đảng kong pơlê. Pơkâ mơgêi tơdroăng cheăng mâu Đảng đoân, khu kăn Đảng Kring vế rak ngăn ivá kăn ƀô̆ kong pơlê. Đảng ƀô̆ khô̆i mâu kơ koan ƀă khu mơdró kong pơlê.

Thế pơtê Kơ koan pêi cheăng hnoăng gum ăm Vi ƀan kong pơlê; pa kĭng mê, pơcháu cheăng ăm Khu ngăn Túa lĕm tro - Pơlê pơla Hô̆i đong kuăn pơlê dêi kong pơlê. Mơgêi tơdroăng cheăng dêi Khu ngăn Kuăn ngo Hô̆i đong kuăn pơlê dêi kong pơlê, pơcháu hnoăng cheăng ăm Khu ngăn Túa lĕm tro - Pơlê pơla, Hô̆i đong kuăn pơlê dêi kong pơlê. Xuân tung hâi hôp, Dak Lak tơbleăng mâu pơkâ pơtê cheăng ƀă mâu kăn ƀô̆ xiâm.