Dak Lak tơbleăng tơdroăng kuăn pơlê tơ’noăng pêi cheăng kâ tê mơdró rơkê tro ƀă pơhlêh xúa internet
Thứ tư, 05:00, 05/08/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - A Rôh hôp mơgêi 5 hơnăm pêi pro Tơdroăng tơ’noăng ‘Kuăn pơlê pêi cheăng kâ, tê mơdró rơkê, tơrŭm tŏng gum dêi rơpó pro kro mơdrŏng ƀă kơdroh kơtiê krá ton”, Khu ngăn kuăn pơlê pêi chiâk kong pơlê Dak Lak tơbleăng tơdroăng tơ’noăng pơla hơnăm 2026-2031, troăng pơkâ tro ƀă pơhlêh xúa troăng internet ƀă mơnhông pêi chiâk deăng krá ton.
Tung 5 hơnăm hdrối, tơdroăng tơ’noăng Kuăn pơlê pêi chiâk tê mơdró rơkê, tơrŭm tŏng gum dêi rơpó pro kro mơdrŏng ƀă kơdroh kơtiê krá ton a Dak Lak hiăng tơ’mot lối 1,19 rơtuh rơpŏng kuăn pơlê chêh inâi veăng; rêm hơnăm ai vâ chê 239 rơpâu rơpŏng châ inâi pêi cheăng kâ, tê mơdró rơkê.
A rôh hôp, mâu kăn tối hên tơdroăng ki ai khât tung mơnhông cheăng kâ pêi chiâk deăng, ki xiâm cho mâu túa pêi cheăng kâ, tê mơdró rơkê; mơhnhôk kuăn pơlê pleăng tơnêi po rơdâ troăng prôk tung thôn pơlê; pơhlêh mâu hdrê pêt, mơjiâng kơpong pêt sầu riêng châ tơƀrê tiô pơkâ VietGAP tro ƀă mơjiâng mah kơxô̆ kơpong pêt vâ xúa tung tơdroăng tê plâi ngi kong têa ê. Kố châ mơnhên tối cho mâu túa pêi ki ai ivá vâ po rơdâ tung hneăng la ngiâ.
Viết bình luận