VOV4.Xơ Đăng - Hâi lơ 25/1, a tíu xối tơbâ ton nah tơnêi têa ki tơviah Hngêi phak Ƀuôn Ma Thuột, kong pơlê Dak Lak hiăng po leh pâ mơnê mâu lêng kăch măng ki tro xâ rup, kroăng phak ƀă hlâ akố. Tung tơdroăng ki hmái hơtĭng dêi leh pâ mơnê, mâu kăn hiăng hơ’muăn tối khôi túa ton nah khên tơnôu dêi tơdroăng hâi lơ 25/1/1944 ƀă pleăng reăng, chôu nhang mơhno tối tơdroăng ki pâ mơnê ó khât troh hnoăng cheăng kân kĭn dêi mâu lêng kŏng san ki tro rup kroăng, phak, hlâ a Hngêi phak Ƀuôn Ma Thuột.

Dak Lak tơkŭm po leh mơnê mâu lêng kăch măng a Hngêi phak Ƀuôn Ma Thuột

Kố cho tơdroăng ki mơhno tối tơdroăng “Châ niân hâi kố kơnôm hnoăng cheăng dêi vâi krâ nah”, tơdroăng ki hnê hriâm khôi hmâ kăch măng, mơdêk ki rơkê plĕng, hnoăng cheăng pôu râng dêi mâu khu râ, pơkuâ cheăng ƀă tâi tâng pơlê pơla, malối cho rơxông hơnăm nếo tung tơdroăng mơjiâng ƀă rak vế Tơnêi têa.

Katarina Nga tơplôu ƀă tơbleăng