Tơtêk tơdâng tơdjuôm pái khế apoăng hơnăm dêi kong pơlê Dak Lak bu tâk 7,47%. Pro pôu hngăm tâk 10% hơnăm 2026 dế tơkŭm rơdêi a 9 khế pơtối nếo, drêng mâu kơvâ tê tơmeăm khoăng ngi kong têa ê, pêt mơjiâng tơmeăm kơmăi kơmok ƀă rôe xúa tơmeăm tro tơdjâk ôh tá lĕm ing kơxô̆ liăn logistics ƀă yă tơmeăm khoăng tâk.

Vâ tah lôi “tíu kreăng”, kăn pơkuâ kong pơlê Dak Lak pơkâ mâu khu, kơvâ cheăng ƀă kong pơlê séa ngăn rêm tơdroăng tơkêa bro, tơkŭm tơleăng tơdrêng mâu pá puât ‘na tơnêi tơníu, ƀăng tơnêi ƀă mơ-éa mơ’no liăn cheăng; mơdêk rĕng tơdroăng mơjiâng pro mâu tơmeăm ki xiâm môi tiah troăng kân ăm phêp rơxế kơtâu têi  Khánh Hòa – Buôn Ma Thuột, troăng kân ăm phêp rơxế kơtâu têi Peăng kơnhŏng – Peăng hdroh pá mâ hâi Lo ƀă mâu kơpong xĕn ối tơniăn gum ăm tơdroăng tơkêa bro troăng kân ăm phêp rơxế kơtâu têi Peăng kơnhŏng – Peăng hdroh.