Ing mê, Khánh Hòa thế pôa Bùi Hoài Nam, Ƀơrô ngăn ‘na tỉnh ủi troh pêi cheăng ƀă Vi ƀan Măt trâ̆n tơnêi têa Việt Nam kong pơlê, hôp tơpui ‘na tâ phĭu rah xo Phŏ kăn hnê ngăn Vi ƀan Măt trâ̆n tơnêi têa Việt Nam dêi kong pơlê; hlối tơbleăng tâ phĭu rah xo kăn hnê ngăn Liên đoân Lao động kong pơlê.

Jâ Nguyễn Thanh Vân, Phŏ Ƀơrô cheăng Đảng kong pơlê châ rah xo pro Kăn ƀơrô cheăng Đảng kong pơlê. Pôa Nguyễn Minh Thái, Phŏ ngăn tơdroăng kal ki ƀă mơhnhôk cheăng Đảng kong pơlê châ rah xo, mơhno pro kăn hnê ngăn Đảng ủi bêng Ninh Chử. Kăn hnê ngăn Vi ƀan kuăn pơlê dêi kong pơlê Khánh Hòa xuân pơkâ tơdah xo, thế pôa Vũ Ngọc Đương, Kăn hnê ngăn Đảng ủi bêng Ninh Chữ pro Ngế pơkuâ Khu xiâm ngăn hnê hriâm ƀă hnê mơjiâng tuăn ngôa rơkê.