Hneăng hôp po tung 2 hâi, lơ 28 ƀă 29/5, veăng hôp mê ai 120 ngế kăn cho mâu ngế teăng mâ dêi mâu kơ koan rak ngăn hnê hriâm, Khu xiâm ngăn hnê hriâm ƀă hnê tuăn ngôa rơkê, mâu hngêi trung, thái cô hnê nâl Pơhlăng ƀă mâu khu hnê nâl Pơhlăng a Việt Nam, Lếo ƀă Kul.

Hneăng hôp tơkŭm tối ki pá, tơngah ƀă mơnhông tơƀrê nâl Pơhlăng tung hnê hriâm a kơpong, hlối mơdêk hriăn plĕng tơrŭm vâ mơdêk tơƀrê tung hnê ƀă hriâm nâl Pơhlăng a Việt Nam. Hneăng hôp cho rôh vâ kơvâ hnê hriâm châ tơpui tơno hriâm ing dêi rơpó, châ hriâm mâu túa hnê ki rơkê nếo nôkố; hlối veăng ‘no hnoăng pêi pro tiô troăng hơlâ mơnhông tơbrê hnê hriâm, khoa hok kŏng ngê̆, hơ’lêh nếo hriăn plĕng ki nếo hlối tơrŭm ƀă lâp plâi tơnêi.