Pơkâ pêi kơxô̆ 60 hâi lơ 18/9, Vi ƀan kong pơlê Dak Lak pơkâ mâu cheăm tơkŭm séa ngăn, rah xo bro lế lĕm ƀă pêi pro tro ‘noăng chư chêh tơnêi tơníu, tơdrêng amê pêi lo liăn, pro mơ-éa chêh tung kơmăi kơmok tâi tâng dêi kuăn pơlê môi tiah Kơmăi xúa tơnêi, hngêi ối, mơ-éa kiêm tra dêi kuăn pơlê vâ chêh tơ’nôm tung kơmăi kơmok tơdroăng ‘na tơnêi tơníu.

Klêi kơ’nâi 1 khế pêi pro, tơdroăng pro tro lĕm lơgât tơnêi tơníu hiăng kêi đeăng a tâi tâng 102 cheăm; lối 3,4 rơtuh pôh tơnêi hiăng châ ăm mah mơnhên inâi. Laga, lâp kong pơlê xuân u ối dâng 520.000 pôh tơnêi tá hâi tơtro tơdroăng krê. Vâ tơniăn tơdroăng pêi cheăng, Vi-[an kong pơlê Dak Lak pơkâ mâu cheăm thế thâ kêi đeăng tâi tâng mâu ngế pêi cheăng, xing xoăng hnoăng inhên, thăm tơrŭm ƀă mơdêk pơtâng tối troh rêm thôn, pơlê, tôh kơphô̆ vâ kuăn pơlê hlê plĕng ƀă tơbleăng hô sơ tŭm tâi tâng. Tơdroăng kêi đeăng ‘noăng chư chêh tơnêi tơníu cho troăng prôk ki kal tung tơdroăng mơjiâng khu râ kăn pêi cheăng xúa kŏng ngê̆, rêh ối pơlê pơla ƀă cheăng kâ xúa kŏng ngê̆, mơdêk ki châ tơƀrê lĕm tơdroăng pro mơ-éa rêh ối cheăng kâ ƀă tơnêi têa, kơdroh kơxô̆ liăn pro mơ-éa ăm kuăn pơlê ƀă  khu tê mơdró.