VOV4.Xơ Đăng - Kơxo lơ 9/2, Khu kăn Đảng kong pơlê, Hô̆i đong hnê ngăn, Vi ƀan hnê ngăn, Vi ƀan Măt trâ̆n tơnêi têa Việt Nam kong pơlê Dak Lak tơkŭm trâm mâ mâu ngế chêh hlá tơbeăng, văn nghê̆ sih, mâu ngế rơkê apoăng hơnăm nêó Nhâm Dần 2022. A rôh trâm mâ, 150 ngế teăng mâ mâu văn nghê̆ sih, mâu ngế rơkê, mâu ngế chêh hlá tơbeăng dêi kong pơlê hiăng rơtế hvái ngăn tơdroăng pêi pro, veăng ‘no hnoăng cheăng dêi mâu kơnâ cheăng tung hơnăm nah, tối pâ thế mâu tơdroăng kal tung pêi cheăng khoa hok kơmăi komok, chêh hlá tơbeăng, văn nghê̆ sih hơnăm pơtối.

Dak Lak trâm mâ văn nghê̆ sih, mâu ngế rơkê, mâu ngế chêh hlá tơbeăng apoăng hơnăm nếo

Luâ môi hơnăm trâm hên tơdroăng pá xua pơreăng kân COVID-19, mâu văn nghê̆ sih, pêi pro hên tơdroăng cheăng ki pơxúa veăng pro ăm mơhno túa lĕm tro kong pơlê Dak lak pơtối mơnhông ƀă rế trâu rơdâ. Khu mâu ngế chêh hlá tơbeăng hiăng chêh tối hên tơdroăng tung rêh ối, veăng mơhno hnoăng tơchoâm tung mơnhông cheăng kâ rêh ối pơlê pơla dêi kong pơlê Dak Lak.

Tung hơnăm 2022 kăn pơkuâ kong pơlê Dak Lak rơhêng vâ mâu khu chêh hlá tơbeăng văn nghê̆ sih khu ki rơkê ƀă tuăn ngôa dêi tơná mơ-eăm veăng kum kong pơlê hên tâ nếo.

Gương tơplôu ƀă tơbleăng