VOV4.Xơ Đăng - Vâ chê 100 ngế pêi cheăng châ rah xo tung roh trâm mâ tơpui tăng tơdroăng cheăng  roh má 1 hơnăm 2022 châ tơkŭm po a hâi lơ 15/2 a Tíu xiâm trâm mâ tơpui tăng tơdroăng cheăng pêi kong pơlê Dak Lak. A roh trâm mâ tơpui tơno tăng cheăng pêi ai 11 khu cheăng, khu tê mơdró veăng ƀă tâi tâng tơdroăng kal vâ rah xo mơngế pêi cheăng, rah xo 1.773 ngế, ki hên cho mơngế pêi cheăng chêng kŏng.

Dak Lak: Vâ chê 100 ngế pêi cheăng ‘’pơxiâm rơnó hơngui’’ roh trâm mâ tơpui tăng tơdroăng cheăng roh má I

Tíu xiâm tăng cheăng pêi kong pơlê Dak Lak tối ăm ‘nâi: Kố cho roh trâm mâ tăng tơdroăng pêi cheăng tiah hmâ apoăng hơnăm 2022 klêi kơ’nâi môi pơla pơtê Têt vâ tơxâng teăm tơdrêng tơdroăng rah xo mơngế pêi cheăng dêi mâu khu tê mơdró xuân môi tiah tơdroăng kal vâ ti tăng tơdroăng pêi cheăng dêi mơngế pêi cheăng.

Tung la ngiâ, Tíu xiâm kố pơtối tơkŭm po mâu roh trâm mâ tơpui tơdroăng tơdroăng tăng cheăng pêi tiah hmâ ƀă troh lâp lu vâ tơdjêp mâu khu tê mơdró tung ƀă pakong kong pơlê ai tơdroăng kal vâ rah xo mơngế pêi cheăng a kong pơlê.