VOV4.Xơ Đăng - Hâi lơ 14/2, mâu hngêi trung mâm non, râ má môi a kong pơlê Dak Lak tơdah hok tro troh hngêi trung klêi kơ’nâi lối 8 khế mơ’no tơdrêng tung um tiô troăng măng Internet. Mơhé hiăng hbrâ hiâm mơno drêng ăm kuăn ‘nĕng vêh hriâm a hngêi trung laga nôu pâ hok tro tô tuăn xua vâi hdrêng râ mâm non, râ má môi tá hâi châ pâk vaccine hbrâ mơdât pơreăng.

Dak Lak: Vâi hdrêng mauh yăo ƀă hok tro râ má môi hâi apoăng troh hngêi trung

Vâ tơkŭm po hnê hriâm tơdrêng tơniăn ƀă châ tơƀrê, hdrối mê Khu pơkuâ hnê hriâm ƀă Hnê mơjiâng tuăn ngôa rơkê kong pơlê Dak Lak hiăng tơkŭm po mâu khu râ kăn séa ngăn nhên mâu hngêu trung, pơkâ tơniăn tŭm tơdroăng, troăng pêi tơtro má môi tung tơdroăng hbrâ mơdât pơreăng.

Hơnăm hriâm 2021 – 2022, kong pơlê Dak Lak ai lối 1 rơpâu hngêi trung hriâm ƀă lối 450 rơpâu ngế hok tro a mâu râ hriâm. Troh nôkố, tâi tâng kăn ƀô̆, thái cô, mâu ngế pêi cheăng tung kơvâ hnê hriâm Dak Lak hiăng châ pâk ki vâ iâ péa trum vaccine hbrâ mơdât COVID-19 ƀă ai lối 20% hiăng châ pâk trum má pái.

A Sa Ly tơplôu ƀă tơbleăng