VOV4.Xơ Đăng - Troh nôkố, Kŏng ti on tơhrik Dak Nông hiăng kêi đeăng tơdroăng rơnêu bro lĕm, kât lĕm mâu troăng kơxái măng a kơtúa a mâu trăng on tơhrik hneăng hơnăm 2020 – 2022 tiô pơkâ kơxô̆ 45 hơnăm 2020 dêi Khu pơkuâ tơdroăng kal tiô troăng rơ’jíu, um tơvi ƀă Internet kong pơlê Dak Lak.

Dak Nông kêi đeăng bro lĕm 120 km troăng kơxái măng

Pơtối mê, mâu tíu cheăng on tơhrik Dak Nông hiăng tơkŭm po tah lôi kơxái ki kơtê ôh tá xúa rơtâ tá trăng, kât lĕm mâu kơxái măng ki hbrâ, toi ăm tơdrăng lĕm mâu kơxái ki a’nâi pro ôh tá tơniăn, tơdrêng, pro ăm i lĕm, kơtúa theh ki kơnó kơxái măng châ lối 120 km a mâu troăng kơphô̆ ki xiâm, kơpong kơdrâm mơngế prôk lăm, tíu xiâm mâu tơring ƀă pơlê kong kơdrâm Gia Nghĩa.

Tiô châ ‘nâi tâi tâng kơxô̆ liăn pêi pro tơdroăng pro rơnêu lĕm kơxái măng kơtúa a trăng on tơhrik a Dak Nông tung 3 hơnăm hiăng hluâ cho lối 6,9 rơtal liăn.

            VOV Tây Nguyên/Tơplôu: A Sa Ly