Ing mê, Khu kăn Đảng ƀô̆ kong pơlê Dak Nông pơkâ tơtro má môi Khu hnê ngăn tơdroăng kal kí dêi Đảng kong pơlê ƀă Hnê mơhnhôk cheăng dêi kăn Đảng kong pơlê Dak Nông riân sap hâi lơ 1/3. Pôa Lê Văn Chiến châ xing xoăng, pôk pro Kăn pơkuâ hnê mơhno tơdroăng. Tơdrêng ƀă mơgêi pêi cheăng dêi Đảng ƀô̆ khô̆i Mâu kơ koan ƀă Khu mơdró, kong pơlê Dak Nông mơjiâng Đảng ƀô̆ mâu kơ koan Đảng kong pơlê Dak Nông ƀă Đảng ƀô̆ Vi ƀan kuăn pơlê kong pơlê Dak Nông.

Pôa Lưu Văn Trung, Phŏ Kăn hnê ngăn Đảng kong pơlê, kăn hnê ngăn Hô̆i đong kuăn pơlê dêi kong pơlê châ rah xo ăm pro Kăn hnê ngăn Đảng rêm kơ koan Đảng kong pơlê Dak Nông. Pôa Hồ Văn Mười, Kăn hnê ngăn Vi ƀan kuăn pơlê kong pơlê pro Kăn hnê ngăn Đảng Vi ƀan kong pơlê Dak Nông. Khu kăn kong pơlê Dak Nông pơkâ rah xo jâ Nguyễn Thị Thu Hường, Ngế pơkuâ ngăn Khu ngăn mơngế cheăng pro  Phŏ khu tơkŭm cheăng Đảng kong pơlê sap hâi lơ 15/2/2025.

Rah xo pôa Đỗ Tấn Sương- Kăn hnê ngăn Vi ƀan kuăn pơlê pơlê kong kơdrâm Gia Nghiã troh xo pêi hnoăng cheăng a Tíu xiâm ngăn mơngế cheăng kong pơlê  vâ Vi ƀan kuăn pơlê kong pơlê Dak Nông rah xo pro Ngế pơkuâ.