Ki nhên, Hô̆i đong hnê ngăn kong pơlê Dak Nông hiăng pơkâ ‘na tơdroăng ki ‘mot tơkŭm, mơjiâng nếo mâu tíu pêi cheăng: Tơkŭm môi Khu pơtâng tối tơdroăng kal ƀă Khu ngăn khoa hok kong ngê̆ chiâng Khu ngăn Khoa hok ƀă Kŏng ngê̆. Tơkŭm môi Khu ngăn tơring, cheăm ƀă hnoăng cheăng dêi mâu kăn ƀô̆ ƀă Khu ngăn Mố đô̆i tro rong ƀă rêh ối pơlê pơla chiâng Khu ngăn tơring cheăm ƀă hnoăng cheăng dêi mâu kăn ƀô̆.

Tơkŭm môi Khu mơjiâng tơmeăm ƀă Khu ngăn troăng prôk rơxế kơtâu chiâng Khu mơjiâng tơmeăm khoăng. Tơkŭm môi Khu ngăn liăn ngân ƀă Khu pơkâ ‘no liăn cheăng chiâng Khu ngăn liăn ngân. Tơkŭm môi Khu ngăn chiâk deăng ƀă Mơnhông thôn pơlê ƀă Khu ngăn tơmeăm tung têa a tơnêi ƀă hyôh kong prâi chiâng Khu ngăn Chiâk deăng ƀă Hyôh kong prâi. Mơjiâng Khu ngăn Hdroâng Kuăn ngo ƀă Loi tĭng Tiô khôp tung Khu ngăn hdroâng kuăn ngo kong pơlê tơdah xo tơdroăng Khu ngăn tơdroăng tiô khôp sap ing Khu ngăn tơring cheăm ƀă hnoăng cheăng mâu kăn ƀô̆.  Tiah mê, kơxô̆ kơ koan cheăng ối tung Vi ƀan hnê ngăn kong pơlê Dak Nông hiăng kơdroh ing 18 chu ối 14 kơ koan.

Xuân a hneăng hôp, Hô̆i đong hnê ngăn kong pơlê Dak Nông hiăng môi tuăn ‘mâi pơhlêh tơdroăng pơkâ mơdêk GRDP hơnăm 2025 châ 8,11% (tơdroăng pơkâ pêi ki ton cho 6,84%).