VOV4.Xơ Đăng - Kơxê lơ 13/1, Đảng ủy Khô̆i Khu mơdró kâ Tơnêi têa tơkŭm po mơgêi hnoăng cheăng hơnăm 2021 ƀă tơbleăng hnoăng cheăng hơnăm 2022. Hơnăm 2021, Đảng ƀô̆ Khô̆i khu mơdró kâ Tơnêi têa đi đo pơkuâ, hnê mơhno mâu tíu pêi cheăng rế pêi pro tro hnoăng cheăng mơjiâng Đảng ƀă rế mơdêk pêi cheăng mơjiâng pro tê mơdró. Tiô riân ngăn, tâi tâng kơxô̆ liăn châ xo dêi grup pơkuâ kố, khu kŏng ti xiâm tung khôu châ vâ chê 1,55 rơtuh dollars liăn, tơkâ luâ 43,5% tâng vâ pơchông ƀă túa pơkâ ƀă tâk tâng vâ pơchông ƀă hơnăm 2020.

Tâ tá rôh hôp

Tơpui a rôh po hneăng hôp, pôa Trần Tuấn Anh, kăn xiâm ngăn tơdroăng cheăng kâ Tơnêi têa pơkâ thế, tung la ngiâ ah Đảng ủy Khô̆i khu mơdró kâ Tơnêi têa pơtối mơdêk ƀă pêi pro tro tâ nếo hnoăng cheăng mơjiâng, ‘mâi rơnêu Đảng; pơtối hơ’lêh nếo, mơdêk tơƀrê tung tơdroăng cheăng ƀă ivá tơxup tơbriât dêi khu mơdró kâ; rak vế tơniăn pêi lo liăn, tơdroăng cheăng pêi ăm kăn ƀô̆, kông chưk, mâu ngế pêi cheăng.

Katarina Nga tơplôu ƀă tơbleăng