VOV4.Xơ Đăng - Pêi pro hnoăng cheăng Khế droh rơtăm, Hơnăm ối nếo kong pơlê Gia Lai dế ai hên tơdroăng cheăng pêi pro ai pơxúa, mơhno tối hiâm mơno djâ troăng ahdrối, rơkê plĕng. Khế dtoh rơtăm hơnăm 2022, Khu pơkuâ ngăn Đoàn droh rơtăm Gia Lai pêi pro hên tơdroăng cheăng ki kal, tung mê tơdroăng má môi cho tơkŭm po tơdroăng “Khế droh rơtăm” hơnăm 2022 ƀă tơdroăng tơ’noăng koh tơdah Hneăng hôp Đoàn Droh rơtăm Kŏng san Hồ Chí Minh rêm râ, hneăng hơnăm 2022 -2027 châ tơkŭm po a Hngêi trung râ má môi Lê Hồng Phong, cheăm Ia Trôk, tơring Ia Pa, kong pơlê Gia Lai.

Khu pơkuâ Đoàn Droh rơtăm kong pơlê Gia Lai diâp tơmeăm ăm mâu vâi o hok tro a hngêi trung râ má môi Lê Hồng Phong, cheăm Ia Trôk, tơring Ia Pa (Gia Lai)

Tung rôh po tơdroăng kố, tíu pêi cheăng hiăng diâp 135 hnoăng tơmeăm ăm mâu vâi o hok tro; Diâp 1 túa pơkâ “Tíu ki pơchuât hlá mơ-éa, tơrŭm cheăng Đô̆i” kơnâ 50 rơtuh liăn, diâp 2 toăng hngêi “Khăn quàng khêi” ăm mâu phô̆m vâ xông kân ki ai tơdroăng rêh ối xơpá. Pakĭng mê, tíu pêi cheăng kố hiăng tơkŭm po hên mâu tơdroăng cheăng pêi pro xua vâ kum pơlê pơla môi tiah: Pleăng lối 400 tơdrong mơheăm, kum hâi pêi cheăng, ‘mâi rơnêu troăng mot tung pơlê cheăm, pro hngêi ối hiâm mơno tơrŭm, mâu tơdroăng cheăng pêi pro ai pơxúa tŏng kum tung hnoăng cheăng hbrâ mơdât pơreăng COVID-19.

Katarina Nga tơplôu ƀă tơbleăng