VOV4.Xơ Đăng - Kơxo lơ 11/3, Kŏng an kong pơlê Gia Lai tơkŭm po Hneăng hôp tơpui tơno ‘na mơjiâng 2 tơdroăng tơkêa bro luât, mê cho: Luât khu veăng gâk kring tơniăn a tíu pêi cheăng ƀă tơdroăng bro Luât gâk kring tơniăn, rak tơniăn troăng klông. Veăng hneăng hôp tơpui tơno ai kăn teăng mâ Khu râ kăn teăng mâ Kuô̆k hô̆i kong pơlê Gia Lai, mâu khu cheăng, kơvâ cheăng. ‘Na tơdroăng tơkêa bro Luât khu veăng gak kring tơniăn a tíu cheăng, mâu rơkong tơpui tham luâ̆n pơrá môi tuăn ‘na tíu cheăng, hnoăng cheăng ki kal dêi khu ki veăng gak kring tơniăn a tíu cheăng.

Tâi tâng a hneăng hôp

Mâu rơkong pơrá tơpui tối, khu ngế gâk kring tơniăn a tíu cheăng cho kơxái tơdjêp ki kal dêi khu Kŏng an ƀă kuăn pơlê. Ƀă tơdroăng tơkêa bro Luât rak tơniăn troăng klông, mâu rơkong tơpui tối, rak tơniăn troăng klông, hngêi trăng ƀă tơdroăng pơto tơmeăm a troăng kân cho mâu kơvâ ki kân, kal mơjiâng, tơbleăng ăm pêi pro mâu luât kơvâ cheăng vâ ‘mâi rơnêu rêm kơvâ cheăng.

A Sa Ly tơplôu [ă tơbleăng