Gia Lai krếo thế mâu khu ‘no liăn cheăng a 3 tơdroăng tơkêa on tơhrik khía tiô
Thứ năm, 13:44, 15/01/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Vi ƀan hnê ngăn kong pơlê Gia Lai nếo pơkâ krếo thế ‘no liăn a 3 tơdroăng tơkêa bro on tơhrik khía tiô túa pơkâ pro ki kân mê cho Hngêi kơmăi on tơhrik khía Vân Canh 1, Vân Canh 2 ƀă Vĩnh Thuận, tâi tâng kơxô̆ liăn ‘no tiô tối hdrối cho lối 19 rơpâu rơtal.
Tung mê, Hngêi kơmăi on tơhrik khía Vân Canh 1 tiô tối hdrối kô pro a cheăm Canh Liên, ki têi cho 160MW, tâi tâng liăn ‘no pro lối 6.900 rơtal; Hngêi kơmăi on tơhrik khía Vân Canh 2 châ tơbleăng pro a cheăm Canh Liên ƀă cheăm Vân Canh, ai ki têi 180MW, tâi tâng liăn pro lối 7.700 rơtal. Nôkố Kŏng ti Tơlo liăn Kơpong cheăng kơmăi kơmok Sài Gòn – Bắc Giang hiăng tối tơdroăng ki kal vâ ‘nâi plĕng ƀă pêi châ tiô tơdroăng púi vâ tơdjêp péa tơdroăng tơkêa kố.
Ƀă Hngêi kơmăi on tơhrik khía Vĩnh Thuận, tơdroăng tơkêa châ tơbleăng pro a cheăm Vĩnh Quang, ki têi cho 143MW, kơxô̆ liăn ‘no pro vâ chê 4.700 rơtal ƀă hiăng châ môi tuăn ‘no liăn pro.
Viết bình luận