Pêi pro tiô Tơdroăng pơkâ 57 dêi Khu xiâm kal kí ‘na pơhlêh xúa kŏng ngê̆ kơxô̆, kong pơlê Gia Lai tơkŭm rôe pro kế tơmeăm khoăng ƀă hnê tơdroăng pêi viâ tơdroăng cheăng ăm kăn ƀô̆, kŏng chưk, viên chưk, mơngế pêi cheăng ƀă kuăn pơlê, ki rơhêng vâ tối a kơpong hơngế, hơngo, kơpong kuăn pơlê hdroâng kuăn ngo.

Troh nôkố, tơdroăng pêi cheăng xúa kŏng ngê̆ châ tơƀrê hên. Sap ing hâi lơ 1/7, Vi ƀan kong pơlê Gia Lai hiăng pêi kêi đeăng xing xoăng tíu pêi cheăng, kơmăi kơmok, troăng măng Internet a 135 cheăm, bêng klêi kơ’nâi tơmot chiâng môi, rak tơniăn tơdah, pro hô sơ tơniăn lĕm ăm kuăn pơlê.

Tôh kŏng ngê̆ kơxô̆ pơlê pơla châ rak a tâi tâng mâu cheăm, bêng, kong pơlê Gia Lai tŏng gum kăn ƀô̆ tơkŭm môi tíu pêi cheăng ƀă hnê mơhno kuăn pơlê xúa pro mơ-éa cheăng kâ rêh ối ƀă tơnêi têa ing troăng hyôh măng.

Tơdroăng pêi pro tơdâng tơ’mô hiăng pro pơhlêh nhên tung tơdroăng pơkuâ, pơhlêh pro mơ-éa, tơdrêng amê mơdêk hlê plĕng xúa kŏng ngê̆ tung pơlê pơla, mơdêk pơhlêh xúa kŏng ngê̆ tâi tâng.