Mâu tơdroăng tơkêa bro ki hên pêi cheăng tung kơvâ uâ bro tơmeăm, mơjiâng pro kơmăi kơmok, mâu kơmăi kơmok tŏng gum pêi cheăng, pế pơchên kế kâ, kế chĕm ăm kơpôu ro ƀă păn mơnăn mơnôa. Tung kơxô̆ 25 kong têa, kơpong tơnêi tơníu ai tơdroăng tơkêa bro mơ’no liăn cheăng tơdrêng a kong têa ê a Gia Lai, Sinuâ nôkố ối má 5 ‘na tâi tâng kơxô̆ liăn mơ’no cheăng. Kố châ ngăn cho môi tung mâu kơxô̆ liăn lâp plâi tơnêi veăng tơ’nôm kơxô̆ liăn ăm mơnhông cheăng kơmăi kơmok, uâ bro tơmeăm ƀă mơdêk ki kơnâ tơmeăm dêi Gia Lai.

Tơdroăng mơhnhôk tơ’mot kơxô̆ liăn ing Sinuâ ôh tá xê tơ’nôm kơxô̆ liăn ăm mơ’no liăn cheăng mơnhông mơdêk mê ối po rôh tơ’lêi tơdah kŏng ngê̆, po rơdâ ivá pêt mơjiâng tơmeăm ƀă veăng hên tâ tung tơdroăng mơjiâng tơmeăm khoăng. Kố xuân cho ki xiâm vâ Gia Lai pơtối mơnhên troăng prôk la ngiâ mơhnhôk mâu tơdroăng tơkêa bro FDI ai kŏng ngê̆ rơxông nếo, ki kơnâ tơtêk, lĕm ƀă kong prâi ƀă ai ivá mơjiâng ivá ăm mâu kơvâ cheăng kâ ki ai tơmeăm mơnhông rơdêi dêi kong pơlê.