Tiô troăng pêi cheăng, hơnăm 2026, Gia Lai kô mơjiâng pro hô sơ mơjiâng bêng ƀă mâu cheăm Phù Mỹ, Tây Sơn, Tuy Phước, Chư Sê ƀă An Nhơn Tây. Hơnăm 2028, pơtối pêi pro ƀă mâu cheăm An Lương, Cát Tiên, Đak Đoa, Đức Cơ, Ia Grai, Phù Cát, Tuy Phước Đông ƀă Bình Khê. Troh hơnăm 2030, kong pơlê Gia Lai kô mơjiâng hô sơ mơjiâng bêng ƀă mâu cheăm Đề Gi, Chư Prông ƀă Bình Dương.

Tơdroăng mơjiâng hô sơ Tơdroăng tơkêa bro châ pêi pro tiô xiâm rêi Luât Khu râ kăn pơkuâ kong pơlê hơnăm 2025, mâu tơdroăng xiâm tơbleăng a rôh hôp dêi Vi ƀan Pơkuâ Kuô̆k hô̆i ‘na xing tíu pơlê kân, pơkâ tíu pêi cheăng tơnêi têa ƀă mâu mơ-éa hnê mơhno dêi Chin phuh, Khu xiâm pơkuâ kăn ƀô̆. Pơkâ xiâm dêi pơkâ pêi cho mơjiâng hô sơ Tơdroăng tơkêa bro tơniăn tro hdrối kơ’nâi, tơdroăng pro hlá mơ-éa, hnoăng tiô pơkâ; tơtro ƀă Pơkâ pêi kong pơlê Gia Lai, tơdroăng mơnhông pơlê kân ƀă mơnhên troăng prôk la ngiâ mơnhông cheăng kâ – rêh ối pơlê pơla dêi kong pơlê.