Tiah mê, 56 tơdroăng tơkêa ƀă lối 3.100 rơtal liăn châ pơtroh: 4 tơdroăng tơkêa bro (381 rơtal liăn) pơcháu ăm Khu rak ngăn ‘no liăn pro kong pơlê ƀă 52 tơdroăng tơkêa (2.740 rơtal liăn) pơcháu ăm mâu cheăm, bêng. Pakĭng mê, 34 tơdroăng tơkêa bro ƀă kơxô̆ liăn ‘no lối 667 rơtal liăn ối tung mâu tơdroăng pơkâ dêi tơnêi têa, rơtế ƀă vâ chê 400 tơdroăng tơkêa bro ki kŭn ki hdrối nah pơcháu ăm tơring, pơlê krâm, pơlê kong kơdrâm nôkố xuân hiăng pơtroh vêh ăm cheăm, bêng pêi pro.

Pôa Trần Cang - Kăn pơkuâ Khu rak liăn ngân Gia Lai ai tối tiah kố, tơdroăng ki ‘mâi pơhlêh kố kô vêh pêi pro hnoăng cheăng pơkuâ ngăn, thăm mơnhông klâ xoăng râ ăm mâu cheăm bêng mơdêk ki tơƀrê ‘no liăn ngân, tro ƀă túa pơkâ kăn pơkuâ péa râ. Pôa tối nhên: “Kơxô̆ liăn a cheăm ki lâi, pơcháu ăm kăn pơkuâ cheăm ki mê hnê mơhno, tơkŭm pro mâu tơdroăng”, tơdrêng amê hlối ăm phêp cheăm ki ai tŭm tơdroăng mơjiâng khu rak ngăn tơdroăng tơkêa lơ mung tíu pêi cheăng tŏng gum.