Vi ƀan kong pơlê Gia Lai nếo ai pơkâ djâ há yă kơpong tơnêi kân rơdâ lối 3ha vâ pêi pro tơdroăng tơkêa bro Kơpong chưng cư tê mơdró ƀă mơdró ôm hyô Quy Nhơn. Kơpong tơnêi kố nah cho tíu cheăng dêi Hngêi trung Cao đẳng Kỹ thuật Công nghê̆ Quy Nhơn, nôkố ối tung bêng Quy Nhơn Nam, kong pơlê Gia Lai.

Kố châ ngăn cho môi tung tíu ki kơnâ má môi dêi kơpong, tơkêa mơhnhôk hên khu mơ’no liăn cheăng kân. Tơdroăng tơkêa bro Kơpong chưng cư tê mơdró ƀă mơdró ôm hyô Quy Nhơn ai tâi tâng kơxô̆ liăn mơ’no cheăng tiô tối hdrối lối 11.600 rơtal liăn. Tơdroăng há yă kơpong tơnêi kố pói tơngah kô mơjiâng môi tơdroăng pêi ki kân ăm kơchơ mơdró tơnêi tơníu ƀă ôm hyô dêi kong pơlê Gia Lai, tơdrêng amê veăng tơlo liăn ngân ăm kong pơlê’’.