Gia Lai pơtroh kong chưk, viên chưk pêi cheăng a cheăm, bêng
Thứ năm, 05:00, 04/09/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Hâi lơ 3/9, Vi ƀan hnê ngăn kong pơlê Gia Lai hiăng pơtroh mâu kong chưk, viên chưk sap ing mâu tíu pêi cheăng vêh pêi cheăng a mâu cheăm peăng mâ hâi Lâ dêi kong pơlê vâ gum tơdroăng pá, pêi cheăng mâu tơdroăng ki trâm tung pơla xúa kăn pơkuâ kong pơlê 2 râ.
Rôh pơtroh kố ai 11 ngế kông chưk, viên chưk sap ing mâu tíu pêi cheăng ối tung kong pơlê, vêh pêi cheăng a 11 to cheăm peăng mâ Lâ kong pơlê. Tiô Pơkâ dêi Vi ƀan hnê ngăn kong pơlê Gia Lai, tung pơla pêi cheăng a cheăm dêi mâu kong chưk a cheăm, kông chưk, viên chưk athế rêm khế tơbleăng rêm măng tĭng, tơbleăng tŭm rôh má mơ’nui, tơdrêng amê hlối veăng hnê ăm mâu ngế pêi cheăng a tíu pêi cheăng mê, veăng gum mơdêk ivá pơkuâ, rak ngăn a râ cheăm.
Tiô pôa Hồ Quốc Dũng, Kăn pơkuâ hnê ngăn cheăng Đảng Gia Lai, pơkâ kố cho hvêa prôk ki nhên vâ pêi pro Mơgêi dêi Khu xiâm pơkuâ tơdroăng kal kí ‘na mơdêk rơdêi túa pêi cheăng kăn pơkuâ 2 râ, mơdêk ki tơƀrê pêi cheăng dêi khu pơkuâ tơdroăng kal kí kong pơlê.
Viết bình luận