Veăng trâm mâ teăng mâ mâu khu mơdró ƀă Kăn hnê ngăn Vi ƀan kong pơlê Gia Lai, ối ai mâu Phŏ kăn hnê ngăn Vi ƀan kong pơlê, mâu ngế pơkuâ tíu pêi cheăng, khu râ kơvâ cheăng ki tơdjâk troh. Akố, pôa Rah Lan Chung tối púi vâ pêi túa “Kơphế ngế ki mơdró” kô cho môi ƀâng tơpui tơno tơdrêng kum mâu kăn tơmâng tơdroăng veăng hnê, tối dêi mâu khu mơdró, ing mê, teăm vâ tah ki xơpá tung pơla pêi cheăng.

Tung chôu phut tơpui tơno hơniâp ro, teăng mâ mâu khu mơdró hiăng tối ‘na tơdroăng pêi pro, hlối tối mâu tơdroăng ki pá, tơvâ tơvân. Kăn hnê ngăn kong pơlê ƀă mâu tíu pêi cheăng, kơvâ cheăng tơdjâk troh hiăng tơpui tơno, tơmâng xo. Kăn hnê ngăn Vi ƀan kong pơlê Gia Lai púi vâ mâu khu mơdró pơtối rơtế ƀă, pleăng , veăng hnê, tối tơdroăng tơmiât ki nếo veăng mơjiâng Gia Lai chiâng tíu ki tơ’mot hên khu ‘no liăn pêi cheăng, veăng mơnhông cheăng kâ-rêh ối a kong pơlê. Tiô pơkâ, túa “Kơphế ngế mơdró’’ kô châ pơtối pêi pro tiô rơnó a kơxo hâi pŭn rêm măng tĭng.