Hdrối vâ po hneăng hôp Đảng ƀô̆ kong pơlê, hneăng hơnăm 2025-2030, kơxo hâi lơ 30/9, Vi ƀan kong pơlê Gia Lai tơkŭm po leh hiăng pro kêi péa to troăng kân xiâm cho Troăng kân kong pơlê 633 pơla troăng prôk sap ing Núi Ghềnh troh achê troăng têa kơxĭ  (Troăng kong pơlê 639) ƀă troăng Điện Biên Phủ ki tơdjêp xŏn troh kơphô̆ Diêm Vân. Kố cho 2 troăng kân xiâm, veăng pro klêi troăng kân, po troăng mơnhông ăm kong pơlê Gia Lai a peăng mâ hâi lo.

Teăng mâ Vi ƀan hnê ngăn kong pơlê Gia Lai tơbleăng a leh hiăng pro kêi 2 to troăng kân, pôa Nguyễn Tuấn Thanh, Phŏ kăn hnê ngăn Vi ƀan kong pơlê Gia Lai pơkâ athế kăn xiâm ’no liăn mơjiâng pro mâu kơvâ cheăng, kong pơlê ƀă mâu tíu rak ngăn pêi tro tơdroăng cheăng rak ngăn, tơmeăm khoăng, pêi tro tơdroăng pơkâ ‘no liăn pro, séa ngăn, po ngăn mâu pơkâ mơjiâng pro ƀă pơkâ ki ê tăng pêi tơƀrê mâu troăng kâ, veăng mơnhông kong pơlê Gia Lai chiâng kong pơlê mơnhông tơƀrê a kơpong Tơdế tơnêi têa, tâk 2 kơxô̆ tung la ngiâ”.