VOV4.Xơ Đăng - Kơxo lơ 9/2, Khu rak tơniăn troăng prôk kong pơlê Gia Lai ƀă mâu khu râ pơkuâ cheăng thâ pêi pro tơkâ luâ sĭng khéa, xơpá xua rơxế trâm xía vâ ki rơ-iô pro 6 ngế hlâ ƀă 3 ngế tro rong. Kơxo hâi ki mê, rơxế kân BKS  81C-111.25  chơ pôm loăng xúa Huỳnh Đức Nguyên kot mâ hơnăm 1983, ối a bêng Chi Lăng, pơlê kong kơdrâm Plei Ku kong pơlê Gia Lai vê rơxế kơtâu ing cheăm Hà Đông kơtâu ngi cheăm Đăk Sơ Mei (xuân tung tơring Đăk Đoa).  Tung pơla kơtâu, rơxế kân kơdrâ króu klêh tung thông trâu dâng 70 met.

Tơdroăng xía vâ mê pro 6 ngế hlâ. Klêi tâng tối, mâu khu râ pơkuâ cheăng kong pơlê Gia lai rĕng troh amê,pơlât tơdrêng, tŏng xo mâu ngế ki tro rong  chơ djâ ngi hngêi pơkeăng ƀă hlối ngăn a tíu mê, ƀă séa mơnhên ngăn vâ ‘nâi xiâm kối rơxế khoh trâm xía vâ.

Gương tơplôu ƀă tơbleăng