VOV4.Xơ Đăng - Hâi lơ 29/3, tơring }ư\ Sê, kong pơlê Gia Lai tơkŭm leh lăm pôu, tơbâ hnoăng ƀă ‘mế kơxêng kiâ 2 ngế ki hlâ ai hnoăng tơnêi têa  (la hâi ‘nâi inâi), châ tăng hlo a kơdrum dêi môi rơpŏng hngêi a thôn Phú Cường, cheăm Ia Pal. Klêi leh lăm pôu ƀă leh tơbâ hnoăng châ tơkŭm po a Vi ƀan cheăm Ia Pal, Leh ‘mế 2 kơxêng kiâ prế ki ai hnoăng tơnêi têa mê châ tơkŭm po a ilâng kiâ ‘mế mâu ai hnoăng tơnei têa dêi tơring }ư\ Sê.

Khu lêng djâ kơxêng kiâ mâu ngế ai hnoăng tơnêi têa ‘mế a ilâng kiâ tơring }ư\ Sê

Tung chôu phut tĭng hmái hơtĭng, kăn hnê ngăn Đảng, mâu kăn cheăm tơring, mâu lêng ƀă kuăn pơlê tung tơring hiăng koh nhoăm, chôu nháng mơhno tuăn pâ mơnê prế ki ai hnoăng xua tơdroăng mơjiâng ƀă kring vế tơnêi têa. Hdrối mê, hâi lơ 26/3 Vi ƀan cheăm Ia Pal tâng tối hlo ai 2 kơxêng kiâ tung pơla rơpŏng hngêi gu tơnêi  a thôn Phú Cường, cheăm Ia Pal vâ mơjiâng pro hngêi kuăn pơlê. 

Klêi tâng tối, khu râ pơkuâ cheăng tơring }ư\ Sê hiăng troh amê, tơkŭm rôu xo tơkŭm e kơxêng kiâ. Ngăn mâu tơdroăng chêh ƀă kuăn pơlê tối, tơmeăm ki tăng hlo, rơtế ƀă tơdroăng pêi pro dêi mâu kơ koan mơnhên kố cho kiâ mố đô̆i hlâ ai hnoăng tung roh tơplâ xâ Mih tŏng xo tơnêi têa nah, hlối tơkŭm xo ngăn túa kơxêng vâ ‘nâi AND tiô pơkâ.

Gương tơplôu ƀă tơbleăng