Mê cho, pôa Nguyễn Trường Sơn, Phŏ Kăn hnê ngăn Troăng prôk rơxế kơtâu, châ rah xo pro Ngế Pơkuâ ngăn mâu tíu pêi cheăng, mê cho: Pôa Nguyễn Trường Sơn, Kăn pơkuâ khu xiâm ngăn troăng prôk rơxế kơtâu châ rah xo pro Ngế pơkuâ Tíu pêi cheăng mơjiâng tơmeăm khoăng klêi tơ’mot ƀă Tíu pêi cheăng ngăn troăng prôk rơxế kơtâu. Mâu Ngế Phó pơkuâ, mê cho: Pôa  Lý Tấn Toàn, pôa Trần Đình Sơn, pôa Hà Anh Thái, pôa Đỗ Việt Hưng, Ngế pơkuâ hneăng hdrối dêi Khu xiâm ngăn Tơdroăng pơkâ ƀă ‘no Liăn cheăng, châ rah xo Ngế pơkuâ ngăn ‘na liăn klêi tơ’mot ƀă Tíu pêi cheăng  xiâm ngăn ‘na liăn.

Pôa Lưu Trung Nghiã, Ngế pơkuâ chiâk deăng ƀă mơnhông thôn pơlê hneăng hdrối, châ rah xo pro Ngế pơkuâ ngăn Chiâk deăng ƀă Hyôh kong prâi klêi tơ’mot ƀă Tíu pêi cheăng ngăn Tơmeăm khoăng Hyôh kong prâi. Pôa Nguyễn Bá Trạch châ rah xo pro Ngế pơkuâ ngăn Kuăn ngo ƀă Loi tĭng. Tơdroăng pro rế lĕm pôk mâu Ngế pơkuâ mâu tíu pêi cheăng a kong pơlê Gia Lai tung troăng hơlâ rah iâ pro rế lĕm mơngế cheăng ăm tơnêi têa, mơdêk ki xêt, tơƀrê tung tơdroăng cheăng mâu kăn kong pơlê tiô pơkâ xiâm tơnêi têa.