Tơdroăng tơkêa bro troăng cheăng kâ peăng mâ hâi Lo – troăng kân ví Troăng kân tơnêi têa 19, kơpong tơkâ hluâ cheăm Biển Hồ, pơxiâm mơjiâng pro mơ’nui hơnăm 2022 ƀă tâi tâng kơxô̆ liăn 1.325 rơtal liăn, xŏn vâ chê 15 km, nôkố tơtêk mơjiâng pro ‘’3 ca, 4 kíp’’ hmâ kong prâi ôh tá tơniăn , khŏm kêi đeăng hdrối lơ 19/12 hơnăm kố.

Rơtế ƀă mê, Gia Lai dế hbrâ ăm péa tơdroăng tơkêa bro tơnêi têa troăng pêi cheăng ton xŏn: troăng kân ăm phêp rơxế kơtâu têi Quy Nhơn – Pleiku ƀă troăng rơxế lơtreng  Peăng kơnhŏng – Peăng hdroh. Kong pơlê hiăng kêi đeăng tơdroăng vê, riên, hbrâ tơmeăm ƀă xing xoăng dâng 11.000 rơtal liăn vâ chêl liăn, tăng tơnêi, mơjiâng xiâm kối ăm tơdroăng pêi pro mâu tơdroăng tơkêa bro kân, kum tơdjêp kơpong  ƀă mơdêk mơnhông mơdêk krá tơniăn.