VOV4.Xơ Đăng -  Pôa Đoàn Ngọc Có, Ngế xiâm phŏ ngăn pêi chiâk deăng ƀă mơnhông thôn pơlê kong pơlê Gia Lai ăm ‘nâi, nôkố, tâi tâng tơnêi pêi chiâk deăng kong pơlê Gia Lai lối 550 rơpâu 590 ha ƀă pêt mâu loăng plâi ki xiâm cho: Kơphế, kơxu, tiu, loăng plâi kâ, pơkeăng báu, pôm, kơtếo, alâi ƀă kơchâi.  Mâu hơnăm achê kố, kơvâ pêi chiâk deăng kong pơlê Gia Lai djâ ki pơxúa lối 30 rơpâu rơtal liăn/hơnăm, tung mê, krê to kơvâ pêt loăng plâi lối 26 rơpâu 140 rơtal liăn.

Gia Lai: Tơkŭm mơnhông mơdêk pêi chiâk krá tơniăn ton

Vâ pơtối ‘mâi mơnhông kơvâ cheăng krá tơniăn, mâu hơnăm hdrối, kong pơlê Gia Lai hiăng pơ’lêh hên chât rơpâu ha loăng plâi ki ôh tá tơ-brê mơnhông mơdêk pêt loăng plâi ăm tơtro tâ. Tâi tâng nôkố ai dâng 231 rơpâu ha tơnêi pêt mâu loăng plâi tiô pơkâ, tơrŭm pêi pêtƀă tê rôe. Tiô pôa Đoàn Ngọc Có, tung la ngiâ, kong pơlê pơtối tơbleăng hên troăng rơhlâ vâ mơdêk ki pơxúa dêi tơmeăm pêi lo ing chiâk deăng, malối tơkŭm mơdêk tê ăm kong têa ê.

Gương tơplôu ƀă tơbleăng