Pôa Phạm Minh Chính, Ngế pro xiâm hnê ngăn tơnêi têa nếo pơkâ ‘na tơdroăng gum tơdrêng kơxô̆ liăn ăm mâu kong pơlê Thái Nguyên, Cao Bằng, Lạng Sơn ƀă Bắc Ninh ‘mâi rơnêu mâu kế tơmeăm khoăng xua kong mê têa kân lân lu. (Thái Nguyên 50 rơtal liăn, Cao Bằng 30 rơtal liăn, Lạng Sơn 30 rơtal liăn ƀă Bắc Ninh 30 rơtal liăn) môi tiah pơkâ thế dêi Khu xiâm ngăn liăn ngân.

Ngế pro xiâm hnê ngăn tơnêi têa pơcháu ăm Vi ƀan hnê ngăn mâu kong pơlê: Thái Nguyên, Cao Bằng, Lạng Sơn ƀă Bắc Ninh chiu pôu râng dêi hnoăng pơkuâ ngăn, xúa kơxô̆ liăn ‘mot tơ’nôm ki nếo tối mê âi, rak tơniăn tro pơkâ dêi luât ‘na liăn ngân tơnêi têa ƀă mâu hlá mơ-éa chêh pro tro luât ki ê ai tơdjâk troh, rak tơniăn tro tơdroăng pơkâ pêi xiâm drêng xúa, gum tro mơngế, tơbleăng tơdrăng, pôi tá pro ăm ai tơdroăng ki mơhrê hía kâ kơhveăm, kâ tong liăn ngân.