Tối tơbleăng a Tơdroăng mơđah hơdruê xuâng “Tíu tơplâ ó  Đồng Lộc- tơdjêp tơdroăng pêi pro rơpâu hơnăm” po a mơ’nui măng tĭng kố nah, a kơpong Tíu tơbâ Pái hơlâ troăng Đồng Lộc, jâ Võ Thị Ánh Xuân, Kăn  xiâm phŏ hnê ngăn tơnêi têa púi vâ “Đảng bộ, mâu kăn, mâu lêng ƀă kuăn pơlê dêi kong pơlê Hà Tĩnh pêi tro tâ nếo hnoăng cheăng pâ mơngế ai hnoăng tơnêi têa, tơmâng kum mâu ai hnoăng kăch măng pơtối rak  vế pêi pro hnoăng cheăng mơhno túa lem tro, Khên tơnôu dêi kăch, măng dêi pơlê xiâm, tơbâ tuăn tơmiât púi vâ dêi kuăn  pơlê Hà Tĩnh, pơtối chêh mâu tơdroăng tơbâ ton nah ngo Hồng, Sông La  tung rơxông ki nếo”.

Tơdroăng mơđah hơdruê xuâng “Tíu tơplâ ó Đồng Lộc - Tơdjêp tơdroăng pêi pro rơpâu hơnăm” xua Hlá tơbeăng Nhân dân, Tíu xiâm Đoân Droh rơtăm Kŏng sản Hồ Chí Minh ƀă kong pơlê Hà Tĩnh tơrŭm ƀă tơkŭm po. Tơdroăng mê, ai 3 tơdroăng pro, kum mơngế ki ngăn châ hlo môi tiah dế châ hlo khât  mâu tơdroăng tơplâ ton nah. Plâ tơdroăng mơđah cho tơdroăng mơhno tơbleăng pơtối ing tuăn tơmiât troh tơdroăng pêi pro; sap mâu tơdroăng púi vâ, tơdroăng tơmiât dêi rơxông nếo droh rơtăm vâ tơplâ ta troh hlâ, xua hơniâp lĕm, môi tuăn dêi tơnêi têa troh tơdroăng mơ-eăm dêi rơxông hâi kố, mơjiâng tơnêi têa rơdêi khên tơnôu, hơniâp lĕm.