VOV4.Xơ Đăng - Pơtối tơdroăng hôp mâu kăn Kuô̆k hô̆i pơkuâ cheăng, hâi lơ 29/3, mâu kăn veăng hnê tối a tơdroăng tơkêa Luât xup um (ki ‘mâi hơ’lêh) ƀă tơdroăng tơkêa luât Tê mơdró [aoh hiêm (‘mâi hơ’lêh). Tung mê, Luât xup um châ ‘mâi hơ’lêh tâi tâng vâ ‘mâi rơnêu pro tiô troăng rơhlâ dêi Đảng, Luât dêi tơnêi têa hơnăm 2013, mơjiâng tơdroăng xup um Việt Nam ki hmâ rơkê, tiô túa nếo nôkố, tro tiô khôi túa mâu hdroâng mơngế, hdroâng kuăn ngo tơtro ƀă tơdroăng cheăng kâ tê mơdró tiô troăng xah hô̆i chuh ngiah ƀă môi tuăn tung mâu luât, pêi xêt khât mâu tơdroăng tơhrâ tung mâu tơdroăng luât lâp plâi tơnêi ‘na xup um ƀă mơnhông cheăng ƀă kơmăi kơmok.

Hneăng hôp khu kăn Kuô̆k hô̆i pơkuâ cheăng veăng hnê tối 2 tơdroăng tơkêa luât

Mâu tơdroăng mê ối ai ki pơrá phá dêi tơdroăng tơkêa luât cho: luât pơkâ dêi tơnêi têa ‘na mơnhông mơdêk xup um, kơmăi kơmok xup um; tơdroăng xup um đŏng phim ai khu tơrŭm, mâu ngế kong têa ê; mơjiâng pro phim xúa liăn ngân tơnêi têa; tơbleăng phim tung măng; ƀă liăn ‘măn kơdĭng kum mơnhông ‘na xup um đŏng phim.

Gương tơplôu [ă tơbleăng