VOV4.Xơ Đăng - Ƀơrô Hnê mơhno cheăng tơnêi têa ‘na hbrâ ví xía vâ xua kong prâi pro ôh tá tơniăn nếo ai hlá mơ-éa pơtroh ăm khu hnê mơhno hbrâ ví xía vâ ƀă tŏng xo mâu ngế hliăng tiâ mâu kong pơlê, pơlê kong kân ing Thừa Thiên Huế troh Khánh Hòa ƀă Tây Nguyên ‘na hbrâ ví  kong mêi kân, khía jâ kơdo rơvê, tơro têi, mêi príu, khía tơhrot têi, têa lân lu, têa rơlêa, tơnêi tơhnâp.

Tơdroăng ki kal Tung hlá mơ-éa chêh pơkâ thế mâu kong pơlê, pơlê kong kân nếo tối tơkŭm pêi tơdroăng tơkâ luâ xơpá xua kong prâi pro ôh tá tơniăn a kơpong Tơdế tơnêi têa tiô hnê mơhno dêi Ngế pro xiâm hnê ngăn Chin phuh a kŏng điê̆n kơxô̆ 298. Pơtối tơkŭm séa ngăn nhên vâ ‘nâi ‘na kong prâi, hnê mơhno tơbleăng pêi tơdrêng mâu tơdroăng hbrâ ví teăm tơdrêng vâ kơdroh lu\p tơmeăm, tung mê ai tơkŭm pêi pro.

Hbrâ mơngế vâ lăm séa ngăn, tí tăng ngăn a mâu kơpong kuăn pơlê ối kĭng têa kroăng, têa klông, tíu tơ’lêi tro têa lân lu, têa rơlêa, tơ'lêi tro tơnêi tơhnâp vâ hbrâ tơkŭm djâ kuăn pơlê ối tíu tơniăn. Séa ngăn, hbrâ rơnáu kring vế ‘na chiâk deăng...

Gương tơplôu ƀă tơbleăng