Kơmăng hnah ƀă kơxo kố (29/9), kong mêi khía mơhot roh má 10 Bualoi ƀă ivá khía têi ƀă kong mêi kân ton hiăng plong mot hên kong pơlê peăng Tơdế tơnêi têa, pro tro lŭp ó ‘na kuăn mơngế ƀă kế tơmeăm khoăng. Sap ing kơxo má, a kong pơlê Quảng Trị mơnhên 12 ngế hía. Drêng plong mot a Nghệ An – Hà Tĩnh, kong mêi khía mơhot kơdroh ki têi, pro kong mêi ton; hiăng ai 13 ngế hlâ ƀă hiá, 2 ngế tro rong.

Hdrối mê, kơxê lơ 28/9, a Thanh Hóa, pôa Trần Hồng Hà, Phŏ Ngế pro xiâm hnê ngăn tơnêi têa pơkuâ hneăng hôp tơdrêng ƀă mơ’no tơdrêng tung um tiô hyôh măng ƀă mâu kong pơlê ing Thanh Hóa troh Đà Nẵng vâ pêi pro tơdroăng hbrâ, ví kong mêi khía mơhot kơxô̆ 10.

Phŏ Ngế pro xiâm hnê ngăn tơnêi têa pơkâ mâu kong pơlê tơkŭm mơngế pêi kêi đeăng rak tơniăn ăm kuăn pơlê, ki rơhêng vâ tối tơtrŏng kơpong ai têa klêi kơ’nâi kong mêi khía mơhot kân. Mâu kong pơlê kong ngo kal hbrâ xĕn kuăn pơlê, hbrâ tơmeăm khoăng ƀă khu ngế pêi cheăng tiô troăng “4 tơdrêng” vâ hbrâ ví teăm tơdrêng, kơdroh tro hlâ rong ‘na kuăn mơngế ƀă tro tơ’nhê ‘na kế tơmeăm.