Hâi lơ 27/1, Kŏng an cheăm Nhân Cơ, kong pơlê Lâm Đồng ăm ‘nâi hiăng pơkâ rup kroăng pơtân 2 ngế N.N.Q (kot mâ hơnăm 1990, ối a cheăm Nhân Cơ) ƀă Đ.V.T (kot mâ hơnăm 1997, ối a cheăm Thuận Hạnh) xua ai xôi tê mơdró tơmeăm ki luât mơdât, oh tá ăm tê cho trếo pơtôu, mlŏi. Hdrối mê, kơmăng hâi lơ 23/1, Kŏng an châ hlo N.N.Q dế chơ 7 kơhôp mlŏi 49 pŭm/kơhôp; khăm ngăn a tíu ối hlối xo tơ’nôm 2 kơhôp nếo. Ing rơkong prế tối, khu râ pơkuâ cheăng tối kơxô̆ mlŏi mê xua Đ.V.T ăm ƀă hiăng thế mơngế ki mê lo a ngiâ tối dêi tơdroăng xôi.

Xuân tung hâi ki mê, Kong an bêng Tân An, kong pơlê Dak Lak xuân hiăng rup kroăng Bùi Quang Nhật (33 hơnăm, ối a bêng Tân An) xua tê mlŏi hmâng vâ; ngế ki rôe mê pâ rôe 4 kơhôp mlŏi ki rôe ôh tá tro luât hngăm 7kg rôe ing măng pơlê pơla ƀă kơtôa a hngêi mê khu pơkuâ cheăng châ hlo hlối xo.