Hâi lơ 12/2, mâu tơring, pơlê kong kơdrâm dêi kong pơlê Lâm Đồng rơtế tơkŭm po leh lăm pro mô đô̆i hơnăm 2025, ƀă ai lối 1.200 mô đô̆i nếo hbrâ vâ lăm pro mô đô̆i, tung mê vâ chê tơdế cho mơngế hdroâng kuăn ngo. Hơnăm kố, kong pơlê Lâm Đồng ai lối 1.200 mô đô̆i nếo lăm pro mô đô̆i, tung mê vâ chê tơdế cho mơngế hdroâng kuăn ngo ƀă lối 50% ai chêh dơn, tơnăng vâ lăm pro xêh mô đô̆i.

Tung kơxô̆ ki kố, mô đô̆i nếo hriâm châ troh trung kâ̆p, kao đăng, đăi hok châ 7,6%, trung hok phôh thong châ lối 36%, ki rơhêng vâ tối ai 23 mô đô̆i nếo cho đảng viên, tung mê ai 11 đảng viên mơngế hdroâng kuăn ngo. Mô đô̆i nếo inâi Lơ Mu Tha Ni, đảng viên, mơngế K’Ho, ối a thôn Dà Ngịt 1, cheăm Lát, tơring Lạc Dương phiu ro tối ăm ‘nâi, ngoh ƀă rơpŏng hâk tơngăm drêng đơn tơnăng pro xêh lăm mot mô đô̆i châ mâu kăn ăm phep, chiâng mô đô̆i ki nếo lăm pro mô đô̆i vâ pleăng, mơjiâng ƀă kring vế, gak ngăn Tơnêi têa.

Mơhé hiăng hriâm tâi Đăi hok, ai cheăng pêi tơniăn, la hên mâu vâi droh rơtăm a kong pơlê Gia Lai xiân mơ-eăm pleăng dêi tơná vâ lăm pro lêng, pơtối rak vế pêi tro ki tro vâ pleăng, Pơtối rak vế pêi pro tơdroăng ki lĕm ton nah ƀă púi vâ pleăng hnoăng cheăng ki kal dêi tơnêi têa. Hdrối hâi pro, jâ Lê Thị Hồng Ngọc ối a cheăm Diên Phú, pơlê kong kơdrâm Pleiku hâk tơngăm pơchuât mơdêi hlá mơ-éa tơnăng pleăng tơná lăm pro mô đô̆i ăm dêi tâi tâng rơpŏng hngêi i hmâng.

Môi tiah mê, ngế rơtăm Lê Thanh Mai ối a bêng Yên Thế, pơlê kong kơdrâm Pleiku xông kân tung môi rơpŏng hngêi to ngế lăm pro mố đô̆i; mơhé hiăng hriâm klêi đăi hok kơvâ Y dược, la rôh kố xuân chêh hlá đơn pâ pleăng tơná lăm pro lêng. Malối, tung rơpŏng hngêi to mơngế pêi chiâk ối a cheăm Ia Piar, tơring Phú Thịên, Gia Lai, Ngế rơtăm mơngế Jarai - Ksor Thanh nếo klêi hriâm hngêi trung Đăi hok Luât - Đăi hok Huế, xuân lăm prô mô đô̆i rôh ki kố.