VOV4.Xơ Đăng - Kơxo lơ 12/1, Khu xiâm pơkuâ ngăn lêng tơkŭm po hôm mơ’no tiô troăng hyôh internet Mơgêi tơdroăng Tơkêa bro “mơdêk hnê tối, hnê ‘na luât ăm kăn ƀô̆, kuăn pơlê ối a tíu tơkăng kong, chuăn têa kơxĭ hơnăm 2017-2021” a 46 tíu mơ’no tung um tiô troăng hyôh ƀă lối 1.500 ngế veăng hôp a khu xiâm pơkuâ ngăn Mố đô̆i gak tơkăng kong, khu lêng tuk ƀă mâu kong pơlê ki ai tíu tơkăng kong.

Hnê tối, hnê ‘na luât ăm kăn ƀô̆, mâu kuăn pơlê ối a tíu tơkăng, chuăn cho tơdroăng cheăng thế pêi tơdrêng tung nôkố

Mâu kăn veăng hôp xuân vâ môi tuăn kô cho môi tơdroăng tơkêa ki kân, vâ mơdêk hlê plĕng, hlê rak luât ăm kuăn pơlê kơpong tíu tơkăng kong, chuăn têa kơxĭ, pêi tiô troăng rơhlâ dêi Đảng ƀă Tơnêi têa ‘na mơjiâng kơpong tơkăng kong, mơjiâng khu lêng kuăn pơlê kring gak tơniăn ó rơdêi.  Tung 2 hơnăm hdrối, ƀă tơdroăng “tơplâ mơdât pơreăng môi tiah plâ xâ” mâu mố đô̆i gak tíu tơkăng kong hiăng pê klêi hnoăng cheăng pơcháu “tơpéa” tơdroăng, hlối kring tơniăn hnoăng pơkuâ tơnêi têa, kring tơniăn tơnêi têa hlối tơplâ mơdât pơreăng COVID-19 ki mot tơkâ luâ tíu tơkăng kong, kring vế ivá, châ chăn kuăn pơlê rak tơniăn ăm Tơnêi têa.

Gương tơplôu ƀă tơbleăng