VOV4.Xơ Đăng - Kơxo lơ 31/3, a Hà Nội hiăng po hneăng hôp tâi tâng khu mơdró hơnăm ối nếo Việt Nam roh má 7, hneăng hơnăm 2022 - 2025 ƀă pơxá ‘’Djâ troăng ahdrối pơ’lêh nếo - Hriăn pêi ki nếo ai pơxúa’’. Khu mơdró hơnăm ối nếo Việt Nam hiăng mơnhông mơdêk a 63 to kong pơlê, pơlê kong kân, ƀă 11 rơpâu ngế. Mâu khu mơdró dêi khu dế tăng cheăng pêi ăm 3 rơtuh ngế pêi cheăng ƀă tâi tâng kơxô̆ liăn châ xo rêm hơnăm lối 30 rơtal dollars Mih.

Mâu kăn hnê ngăn Khu Mơdró hơnăm ối nếo Việt Nam pơkuâ hneăng hôp

Hneăng hôp khu mơdró kâ rah xo 153 ngế veăng cheăng tung Vi ƀan xiâm ngăn Khu mơdró hơnăm ối nếo Việt Nam hneăng 7. Troh veăng hôp ƀă tơbleăng hnê mơhno hneăng hôp, pôa Lê Minh Khái, Ngế pro xiâm phŏ hnê ngăn tơnêi têa khe\n kơdeăn mâu hnoăng pêi tơ-brê, veăng ‘no ki kal dêi khu mơdró hơnăm ối nếo ƀă Khu mơdró hơnăm ối nếo Việt Nam hneăng hdrối. Hneăng ki nếo, Khu mơdró hơnăm ối nếo Việt Nam thế cho hngêi tơchoâm, tơkŭm, môi tuăn mâu ngế khu hơnăm ối nếo, kring vế hnoăng ki pơxúa tơxâng, tơtro kơ luât dêi mâu khu mơdró hơnăm ối nếo. Hên túa mâu tơdroăng cheăng mơdêk ivá, mơnhông tăng tíu tê mơdró, tối ăm ‘nâi mâu tơdroăng, mơdêk ivá pêi cheăng dêi mâu ngế tung khu.

Gương tơplôu ƀă tơbleăng