VOV4.Xơ Đăng - A  Hà Nội  nếo klêi po Hneăng hôp khu mơdró Việt Nam (VBF) tiah hmâ rêm hơnăm pơxá “ ‘Mâi mơnhông cheăng kâ ƀă mơnhông ‘na mung tơmeăm vâ tê tung pơla tiah hmâ nếo’’.  A hneăng hôp, mâu khu mơdró kong têa ê xuân khĕn kơdeăn khât ki mơ-eăm ƀă ki tơ-ƀrê tung hơnăm 2021, ki tơngah lôu péa, ‘mâi mơnhông ƀă mơdêk Việt nam, ƀăing tơdroăng pơkuâ rơkê, mâu tơdroăng tơhrâ rơdêi dêi kăn xiâm Đảng, Tơnêi têa ƀă tơdroăng tơrŭm môi tuăn krá kâk dêi kuăn pơlê.

Tâ tá rôh hôp

Hneăng hôp cho rôh vâ kuăn pơlê khu mơdró veăng hnê tối, tối mâu troăng rơhlâ vâ tơbleăng tơdroăng Pơkâ kơxô̆ 11 dêi Chin phuh ‘na tơdroăng ‘mâi mơnhông cheăng kâ - rêh ối; hlối ‘nâi nhên hnoăng cheăng dêi mâu kơ koan rak ngăn Tơnêi têa ƀă khu mơdró tung tơdroăng ‘mâi hơ’lêh tơdroăng ‘no liăn tê mơdró, mơnhông mơdêk tung kơpong cheăng kâ krê ƀă ‘no hnoăng kơhnâ a tơdroăng mơnhông mơdêk Việt Nam. 

Gương tơplôu ƀă tơbleăng