Tối tơbleăng hnê mơhno a hneăng hôp, pôa Tô Lâm,  tối nhên 6 tơdroăng ki tơƀrê ki Đảng ƀô̆ Lêng hiăng châ pêi pro tung hneăng hdrối, tung mê, ai tơdroăng pêi pro tơdrêng 6 khu troăng hơlâ mơjiâng mâu lêng rơdêi ‘na kal kí châ mơnhên tung pơkâ hneăng hôp Đảng ƀô̆ lêng rôh má 11, Đảng lêng xiâm hiăng hnê mơhno tơbleăng tơ’nôm hên troăng hơlâ ai pơxúa khât tơtro, ai tiô pơkâ mơnhông dêi tơdroăng.

Malối cho kăn ƀô̆, mâu lêng đi đo cho xiâm, djâ troăng ahdrối tung tơdroăng hbrâ ví xía vâ kong prâi pro ôh tá tơniăn, tăng tŏng xo mơngế trâm xía vâ; ôh tá xâu pá puât, hlâ rêh xuân ai mâ a tíu ki kal, ki rơ-iô vâ kum mơngế, tơmeăm khoăng dêi kuăn pơlê, tung tơnêi têa ƀă kong têa ê. Kăn xiâm pơkuâ hnê ngăn Đảng pơkâ thế mơjâng khu lêng kăch măng, rơdêi, rơkê, túa nếo. Tung mê, ai mâu ngế ki kơhnâ rơkê khât hiăng đi đo veăng mơjiâng ƀă ôh tá la lâi pơtê mơnhông tung lối 80 hơnăm mơjiâng, tơplâ, ƀlêi trâng ƀă xông rơdêi dé mâu lêng; laga kal châ mơhnhôk, pơtối pêi pro tro tâ nếo tung mâu hơnăm la ngiâ.