VOV4.Xơ Đăng -  Hneăng hôp mâu kơdrâi tung lâp tơnêi têa rôh má 13, hneăng hơnăm 2022-2027 kô po sap ing lơ 11/3/2022. Kố cho hneăng ki apoăng pêi pro tiô tơdroăng mơnhông mơdêk dêi Khu vâi kơdrâi Việt Nam troh hơnăm 2030, ƀă mâu tơdroăng vâ pêi troh hơnăm 2035. Kố cho tơdroăng châ tối ing Khu ngăn vâi kơdrâi Việt Nam ăm ‘nâi a rôh hôp kơxo lơ 1/3 a Hà Nội.

Ƀă tơdroăng pơxá “ pơtối rak vế  tơdroăng hmâ pêi pro, tơrŭm môi tuăn, hriĕn plê̆ng ki nếo, xua tơdroăng tơniăn dêi tơnêi têa”, hneăng hôp mâu kăn vâi kơdrâi tung lâp tơnêi têa rôh má 13 kô hdró tơdroăng mơhnhôk dêi vâi kơdrâi ƀă tơdroăng pêi pro dêi  khu vâi kơdrâi Việt Nam hneăng hơnăm 2017-2021, pơkâ troăng rơhlâ tơdroăng cheăng pêi, mâu tơdroăng  tung hneăng hơnăm 2022-2027 ƀă rah xo Khu Khu vâi kơdrâi Việt Nam hneăng 13.

Tiô tối hdrối, hneăng hôp ai 1.000   ngế cho mâu kơdrâi pêi cheăng kơhnâ rơkê, teăng mâ ăm mâu khu vâi kơdrâi, mâu hdroang kuăn ngo, mâu ngế loi tĭng tiô khôp ƀă mâu tơdroăng cheăng ki pơrá phá dêi rơpó tung lâp tơnêi têa veăng hôp.

Gương tơplôu ƀă tơbleăng