VOV4.Xơ Đăng - Kơxê lơ 30/3, a Hà Nội hiăng po hneăng hôp tơpui ‘na tơdroăng tơrŭm cheăng pơla Kăn xiâm hnê ngăn tơnêi têa ƀă Vi ƀan pơkuâ cheăng Kuô̆k hô̆i. Hneăng hôp môi tuăn tối tơdroăng tung hơnăm hdrối, malối cho hneăng pêi cheăng Kuô̆k hô̆i má 13,14 ƀă ing apoăng hneăng pêi cheăng Kuô̆k hô̆i má 15 troh nôkố, tơrŭm cheăng pơla Kăn xiâm hnê ngăn tơnêi têa ƀă Kuô̆k hô̆i, Vi ƀan pơkuâ cheăng Kuô̆k hô̆i đi đo châ mơdêk, rế pêi tro khât tâ ƀă châ tơ-brê, tŭm tơdroăng cheăng.

Pôa Nguyễn Xuân Phúc, Kăn xiâm hnê ngăn tơnêi têa tối tơbleăng a hneăng hôp

‘Na tơdroăng cheăng pêi tung la ngiâ, pôa Nguyễn Xuân Phúc, Kăn xiâm hnê ngăn tơnêi têa tối nếo tơbleăng hnê mơhno ki kal dêi pôa Nguyễn Phú Trọng Kăn xiâm pơkuâ hnê ngăn Đảng a hneăng hôp ki pơxiâm roh má môi, Kuô̆k hô̆i  hneăng 15; tung mê pơkâ thế Kuô̆k hô̆i kal pơtối rak vế ki rơdêi tâ nếo hnoăng cheăng, tíu pêi cheăng tung tơdroăng mơjiâng luât ăm mâu tơdroăng cheăng dêi tơnêi têa, mơnhông cheăng kâ rêh ối, rak tơniăn cheăng lêng, tơdroăng ‘na tơpui kâ.

Gương tơplôu ƀă tơbleăng