VOV4.Xơ Đăng - A Hà Nội nếo po Hneăng hôp tâi tâng Vi [an tơnêi têa ’na Khu Droh rơtăm Việt Nam roh má môi. Xông tơpui a roh hôp mê, pôa Vũ Đức Đam, Ngế pro xiâm pho\ hnê ngăn tơnêi têa tối nhên: ’’Hâk tơngăm thăm rế kân, pôu râng hnoăng cheăng xuân thăm rế kân há, Vi [an tơnêi têa ’na Khu Droh rơtăm Việt Nam kal athế mơ’no mâu tơdroănug cheăng ti xê to rak ngăn le\m tro ăm khu droh rơtăm mê ối mơnhông ivá cheăng, ki rơkê dêi vâi rơxông ối nếo, ki ai tuăn hloh rơkê, tơdroăng mơdêk pleăng hnoăng cheăng dêi khu droh rơtăm Việt Nam’’. Xuân a roh hôp mê, hiăng po Leh tối tơbleăng Tơdroăng pơkâ kơxo# 282 dêi Ngế pro xiâm hnê ngăn Chin phuh pơkâ ‘na tơdroăng cheăng, hnoăng pêi, túa pro [ă túa cheăng dêi Vi [an tơnêi têa ‘na droh rơtăm Việt Nam.

Vâi droh rơtăm Việt Nam dế kố ai lối 22,1 rơtuh ngế, châ 22,5% pơ’leăng mâ mơngế tung lâp tơnêi têa. Khu droh rơtăm tung kơpong thôn pơlê châ vâ chê 60%, khu droh rơtăm kơpong kơpho# châ lối 40%. Kơxo# vâi droh rơtăm ki ai cheăng pêi tung tâi tâng vâi droh rơtăm tro hơnăm pêi cheăng châ 98,7%. Tâng vâ ngăn tơchoâm, droh rơtăm hmiân tuăn, loi tơngah [ă vâ môi tuăn tiô troăng pơkâ dêi Đảng, tơdroăng pơkuâ ngăn ki kơhnâ rơkê khât dêi Chin phuh kô châ pơtối modêk pêi pro châ tơ-[rê. Hên khu droh rơtăm ai tuăn mơno kơdo mơ-eăm hriâm tâp, đi đo ‘mâi rơnêu pât dêi hiâm tuăn, kho\m mơ-eăm tăng mơjiâng xêh cheăng pêi, tăng mơjiâng tơdroăng rêh kâ ối, pêi pro kơhnâ khât mâu tơdroăng cheăng dêi pơlê pơla, mơhno\ng pleăng hnoăng cheăng, malối mâu tơdroăng cheăng xua vâ mơnhông ‘na rêh ối pơlê pơla, veăng hnoăng cheăng hbhrâ, tơplâ, mơdât pơreăng COVID-19, kum kuăn pơlê ki trâm xía vâ xua kong prâi pro ôh tá tơniăn, môi tiah kong mêi, khía mơhot kân, têa rơlêa,lân lu; rế hía khu droh rơtăm rế hlê ple\ng ‘na túa pêi cheăng, tê mơdró kâ, hriâm tâp, po hneăng hôp, tơpui tơno, hnê mơhno tối mâu tơdroăng ki tơtro tung hbrâ, tơplâ, mơdât pơreăng xông tâ tú, ki ton, ki xâu rơ-iô kố.

Tâi tâng Hneăng hôp Vi [an Tơnêi têa ‘na khu droh rơtăm Việt Nam roh má môi

A roh hôp tâi tâng Vi [an tơnêi têa ’na khu droh rơtăm Việt Nam hneăng má môi, mâu kăn ai tơpui tối, hơnăm 2021, pơreăng kân COVID-19 hiăng pro tơdjâk xahpá kân ăm hnoăng cheăng dêi khu droh rơtăm, tơdroăng hriâm tâp, rêh kâ ối, pêi lo liăn ngân kế tơmeăm ôh tá tơniăn. Maluâ tiah mê, mâu tơdroăng cheăng dêi khu droh rơtăm ai hên tơdroăng ki hơ’lêh nếo, khu droh rơtăm hiăng mơhno tối tơdroăng tơru\m cheăng, veăng tơchoâm ivá mơno, pôu râng hnoăng cheăng [ă Chin phuh [ă pơlê pơla. Pak^ng mê, mâu kơ koan xuân hiăng kơdo mơ-eăm tơku\m po mâu tơdroăng cheăng dêi khu droh rơtăm ịng pêi pro hên tơdroăng cheăng ki tơtro khât; mơjiaang mâu hlá mơ-éa hnê mơhno tối ‘na Luât khu droh rơtăm hơnăm 2020 [ă hên mâu tơdroăng ki ê hía.

Tiô jâ Nguyễn Thị Bích Ngọc, Ngế xiâm pho\ hnê ngăn tơdroăng pơkâ, mơ’no liăn cheăng tối, tung mâu hơnăm pa ngiâ, khu droh rơtăm athế chông djâ troăng ahdrối, pêi tơxâng [ă chal nếo, kal athế thăm mơdêk tơru\m hên [ă mâu kong têa ê tung lâp plâi tơnêi, thăm mơnhông tơdroăng tăng mơjiâng xêh cheăng pêi ki rơkê tơtro:

‘’Khu xiâm ngăn ‘na tơdroăng pơkâ, mơ’no liăn cheăng tơru\m [ă mâu khu râ, kơvâ cheăng vâ veăng kum, tơru\m [ă Khu pơkuâ ngăn tơru\m cheăng pơla khu droh rơtăm klâ xing xoăng hnoăng cheăng, kơxo# liăn cheăng kum khu mơdró kâ ku\n [ă  krâ kơvâ. Tung mâu khế hơnăm pa ngiâ kố ah, ngin pơtối veăng kum ăm vâi droh rơtăm hên tơdroăng cheăng, tung mê, tơu\m má môi mê cho hnê hriâm, pơkuâ ngăn ‘na mơdró kâ ku\n [ă krâ kơvâ, tăng mơjiâng xêh tơdroăng cheăng pêi ki rơkê. ‘Na la ngiâ, mơnhông mơdêk hnoăng cheăng khu droh rơtăm pơla sap hơnăm 2021-2030, pin kal athế mơjiâng tro tiô troăng hơlâ ki séa mơnhên ‘ló tơdroăng ki rak vế, pêi pro ki hiiăng pơkâ ahdrối’’.

Pôa Vũ Đức Đam, Ngế pro xiâm pho\ hnê ngăn xông tơpui a roh hôp

Xông tơpui a roh hôp mê, pôa Vũ Đức Đam, Ngế pro xiâm pho\ hnê ngăn tối nhên: Dế nôkố, khu vâi droh rơtăm tá hâi teăm kơtê 18 hơnăm hiăng hlê ple\ng nhên ‘na pơlê pơla,’na mâu kơvâ cheăng hên kân rơdâ luâ tâ chal vâi krâ, jâ pôa, nôu pâ chal hdrối mê hía nah. Kố cho mâu tơdroăng ki ối pá, pơloăng mơnúa ki Vi [an tơnêi têa ‘na khu droh rơtăm Việt Nam. Pôa Vũ Đức Đam pơkâ thế, pa ngiâ kố ah Vi [an [ă Khu xiâm pơkuâ ngăn Đoân Droh rơtăm kal athế hlê ple\ng nhên, mơjiâng mâu tơdroăng cheăng ki tơtro vâ pơtối mơdêk ivá ki rơkê dêi khu droh rơtăm Việt Nam a chal nếo nôkố.

Tối nhên tơdroăng to\ng kum dêi Chin phuh [ă Ngế pro xiâm hnê ngăn Chin phuh [ă khu droh rơtăm Việt Nam [ă hnoăng cheăng khu droh rơtăm, mê pôa Vũ Đức Đam hiăng pơkâ thế mâu khu râ, kơvâ cheăng ai tơdjâk kal tơru\m cheăng krá kâk tâ [ă Vi [an tơnêi têa ’na khu droh rơtăm Việt Nam [ă Khu xiâm Đoân pơkâ mơ’no mâu tơdroăng cheăng ki nhên, tro tiô hiâm tuăn pơkâ thế dêi Chin phuh. Pôa Vũ Đức Đam ai pơkâ thế:

‘’Tơdroăng pơkâ rak vế, pêi pro dêi khu droh rơtăm chal nếo, hnoăng cheăng mơ’no pêi tiô pơkâ riân mơnhên khu droh rơtăm VIệt Nam, kal athế pêi pro, pói rơhêng vâ Đoân droh rơtăm djâ troăng ahdrối tung rak vế, pêi pro, xúa ko\ng nge# tung to\ng kum mâu hnoăng cheăng dêi mâu khu râ, kơvâ cheăng thăm ki dâi khât, tơ-[rê, châ pơxúa hên tâ. Tơ’mot hên mơngế rơkê mot cheăng, khu droh rơtăm hriâm athế mơgêi klêi hnoăng cheăng ki rơkê ple\ng ó khât, tơdroăng cheăng kố kal athế tơru\m cheăng krá tơniăn tâ pơla khu râ kăn pơkuâ [ă mâu khu râ, kơvâ cheăng vâ mâu tơdroăng pơkâ pêi pro châ ai pơxúa, tơtro ki păng ‘nâng tâ’’.

Pôa Vũ Đức Đam pói tơngah tung hneăng pơkâ pêi pro mâu tơdroăng cheăng tơru\m mâu kong têa ê dêi Đoân Droh rơtăm [ă khu Đoân droh rơtăm dêi mâu kong têa tung kơpong, mâu khu râ kơvâ cheăng xiâm tơnêi têa kal athế pơkâ pêi pro rơdêi ó tâ, vâ mâu tơdroăng cheăng kố tơtro khât [ă ai pơxúa hnoăng cheăng ing mâu khu pơkuâ ngăn kong pơlê, pơlê kong kân, tơring, cheăm.

Tung hơnăm 2022, Vi [an tơnêi têa ‘na Khu droh rơtăm Việt Nam hiăng mơ’no mâu tơdroăng cheăng ki xiâm, môi tiah: Tơru\m cheăng hriăn ple\ng, pơkâ mơ’no mơjiâng pro túa cheăng, troăng hơlâ ‘na khu droh rơtăm [ă hnoăng cheăng khu droh  rơtăm; tơkuư\m po mâu hneăng tơpui tơno, êng tiâ troăng hơlâ to\ng kum khu droh  rơtăm; Tơru\m cheăng hnê mơhnhôk mâu khu râ, kơvâ cheăng kong pơlê, pơlê kong kân pơkâ pêi pro tro Luât Droh rơtăm hơnăm 2020, mâu hlá mơ-éa hnê tối ‘na rak vế, pêi pro tiô Luât droh rơtăm hơnăm 2020. Hnoăng cheăng mơnhông droh rơtăm Việt Nam pơla sap hơnăm 2021-2030; Tơku\m séa mơnhên ngăn, tí tăng pro mơnhên, séa tối rak vế, pêi pro tiô troăng hơlâ, tơdroăng luât [ă khu droh rơtăm sap ing 16 hơnăm troh 18 hơăm [ă mâu kơvâ cheăng ki ê; Tơku\m po mâu tơdroăng cheăng tơru\m tơpui kâ dêi tơnêi 7 têa ’na khu droh rơtăm.

VOV1 chêh

Nhat Lisa tơplôu [ă tơbleăng